फोन हरविला की चोरी गेला? घाबरुन नका या सोप्या स्टेप फॉलो करा, सहज करता येईल फोन ट्रॅक

 

फोन हरविणे किंवा चोरी जाणे अशा घटना तुम्ही नेहमीच ऐकत असाल. तुमच्यापैकी अनेकांनी अशा समस्येचा सामना केला असेल. फोन हरवल्यावर किंवा चोरीला गेल्यावर तुम्ही तात्काळ संबंधित अधिकार्‍यांकडे तक्रार करताही पण, असे करून देखील तुमचा मोबाईल लगेच परत मिळेल याची खात्री नसते. अशा परिस्थितीत, Google चे 'Find My Device' तुम्हाला तुमचा फोन ट्रॅक करण्यास मदत करेल. Google चे Find My Device, पूर्वी Android Device Manager म्हणून ओळखले जात होते, हे एक चांगले अ‍ॅप आहे जे युजर्सना त्यांचा स्मार्टफोन, टॅबलेट किंवा स्मार्टवॉच ट्रॅक करण्यास आणि रिमोटली लॉक करण्यात मदत करते जरी तुमचा मोबाईल तुमच्या जवळ नसला तरीही. विशेष म्हणजे चोरी झालेल्या मोबाईलचा डेटा देखील हटविला जाऊ  शकतो.

Google Find My Device हे अॅप इंस्टॉल करून तुम्ही तुमचा फोन Computer, Laptop किंवा इतर कोणत्याही Android Mobile वरून शोधू शकता. App एकदा इन्स्टॉल झाल्यानंतर, तुम्ही तुमच्या Google चा ईमेल आयडी आणि पासवर्ड वापरून लॉगइन करू शकता. App लोगिन झाल्यावर तुम्हाला मोबाईल मॉडेलचे नाव, कनेक्टेड असलेले नेटवर्क आणि बॅटरी लाईफ दिसेल, तुमचा हरविलेला किंवा चोरी झालेला मोबईल शोधायचा असल्यास computer, laptop वर क्रोम किंवा मोझिला ब्राउझर ओपन करुन google.com/android/find या लिंकवर जाऊन किंवा तुमच्या नातेवाईक अथवा मित्राच्या मोबाईलमध्ये Google Find My Device हे अ‍ॅप ओपन करुन तुमचा Google emai id आणि पासवर्ड एंटर करुन लॉगइन केल्यानंतर तुमचा फोन शोधणे सुरू करू शकता. तुमच्या हरविलेल्या किंवा चोरी गेलेल्या मोबाईलची Location service Enable असल्यास मोबाईल मध्ये Google Find My Device इंस्टॉल असलेली अॅप सध्या मोबाईल जेथे आहे त्याठिकाणचे ग़ुगलमॅपमध्ये मोबाईलचे पिन ड्रॉप लोकेशन दाखवेल. स्क्रीनच्या डाव्या बाजूला, तुम्ही तुमच्या Account शी कनेक्ट केलेले सर्व टॅब पाहू शकता ज्यात Play Sound या बटनावर क्लिक केल्यास तुमच्या मोबाईलची रिंग वाजेल जरी मोबाईल सायलेंट असेल तरीही तसेच Secure Device या बटनावर क्लिक केल्यास तुमच्या मोबाईलमधील गूगल अकाऊंट लॉगआऊट होईल आणि तुमचा मोबाईल लॉक होईल तसेच त्या लॉकस्क्रीनवर तुम्ही मेसेजही पाठवु शकता. आता सर्वात महत्वाचे बटन म्हणजे Erase Device यामुळे तुमच्या हरविलेल्या किंवा चोरी गेलेल्या मोबाईलचा सर्व डेटा तुम्ही डिलीट करु शकता.

आणि हे सर्व करण्यासाठी म्हणजेच तुमच्या Android मोबाईलचे लोकेशन शोधण्यासाठी, मोबाईल लॉक करण्यासाठी किंवा मोबाईलवरील डेटा हटवण्यासाठी, तुमचा हरविलेला किंवा चोरी गेलेला मोबाईल चालू असणे, Google Play Store लॉगइन असणे, मोबाइल डेटा किंवा Wi-Fi शी कनेक्ट केलेले असणे, मोबाईल मधिल लोकेशन सर्विस एनेबल असणे आणि मोबाईल मधील Find My Device हे ऑप्शन On असणे आवश्यक आहे.

Google Find My Device हे अ‍ॅप कसे डाउनलोड करावे?

आपल्या मोबाईल मधे Google Play Store ओपन करा सर्च मध्ये Google Find My Device  हे नाव शोधा तुम्हाला अॅप दिसेल ती डाउनलोड आणि Install करुन लॉगईन करुन ठेवा खुपच महत्वाची आणि तुमच्या कामाची ही अ‍ॅप आहे तर मित्रांनो या सोप्या स्टेप फॉलो करुन तुम्ही तुमचा मोबाईल शोधु शकता किंवा तुमच्या मोबाईल मधील डेटा वाचवु शकता.

NEET (UG) Exam 2022 | NEET प्रवेश परिक्षा 2022 | पहा परिक्षेचे स्वरूप, वेळापत्रक, ऑनलाईन अर्जाचा अंतिम दिनांक

  

देशभरात वैद्यकीय अभ्यासक्रमांच्या प्रवेशासाठी घेण्यात येणाऱ्या NEET परीक्षेसाठी ऑनलाईन अर्ज सुरू झालेले आहेत आणि याबाबतच राष्ट्रीय परीक्षा एजन्सीमार्फत दिनांक 6 एप्रिल 2022 रोजी एक परिपत्रक जाहीर करण्यात आले आहे.

राष्ट्रीय परीक्षा एजन्सीमार्फत NEET (UG) 2022 परीक्षेकरिता ऑनलाईन पद्धतीने अर्ज मागविण्यात येत आहे आणि या परीक्षेकरीता ऑनलाईन अर्ज सुरू झालेले आहेत

NEET 2022 परीक्षेत भौतिकशास्त्र, रसायनशास्त्र आणि जीवशास्त्र या विषयांमधून 200 मल्टिपल चॉइस म्हणजेच बहुपर्यायी प्रश्न विचारले जातील ज्यामध्ये प्रत्येक विषयातील 50 प्रश्नांची विभागणी A आणि B अशा दोन विभागांमध्ये केली जाईल.

NEET परीक्षा ही इंग्रजी, हिंदी, आसामी, बंगाली, गुजराती, कन्नड, मल्याळम, मराठी, ओडिया, पंजाबी, तमिळ, तेलुगू, आणि उर्दू अशा 13 भाषांमध्ये घेतली जाईल.

या परीक्षेकरीता ऑनलाईन अर्ज दिनांक 6 एप्रिल 2022 पासून सुरू झाले असून 6 मे 2022 रात्री 11:50 पर्यंत आपण ऑनलाईन पद्धतीने अर्ज करू शकता तसेच ऑनलाइन पद्धतीने अर्ज भरल्यानंतर परीक्षा फी क्रेडिट कार्ड, डेबिट कार्ड, नेट बँकिंग, यूपीआय, पेटीएम द्वारे भरण्याकरिता 7 मे 2022 रात्री 11:50 पर्यंत आपण भरू शकता

NEET परीक्षेकरीता जी परीक्षा फी आपणास भरायची आहे त्यामध्ये जनरल प्रवर्गाकरिता 1600/-, ईडब्ल्यूएस अथवा ओबीसी प्रवर्गाकरिता 1500/-, एससी एसटी पीडब्ल्यूडी अथवा थर्ड जेंडर प्रवर्गाकरिता 900/- परीक्षा फी आपणास भरावी लागेल

NEET 2022 ही परीक्षा 17 जुलै 2022 रोजी रविवारला दुपारी 2 ते 5 या वेळेत घेण्यात येईल NEET Exam Book Store.

 

NEET Exam Preparation Books - Click Here

अधिकृत संकेतस्थळ - Click Here

परिपत्रक (English) - Click Here

परिपत्रक (हिंदी) - Click Here

हीच माहिती Video स्वरूपात - Click Here

मोफत गेम खेळा पैसे जिंका - Click Here

 

1 एप्रिल 2022 पासून कर्मचारी आणि सामान्यांसाठी आयकर नियमात महत्वपुर्ण बदल

 1 एप्रिल 2022 पासून नवीन आर्थिक वर्ष सुरू झालं आहे. आर्थिक वर्ष बदलल्यावर अनेक ‘फायनान्शिअल’ बदल होत असतात. व्यवहारांच्या संबंधित काही नियम आधीच बनवले जातात, त्याची अंमलबजावणी नवीन आर्थिक वर्षात होत असते. त्यामुळे अनेकांना ह्या नव्या वर्षामध्ये काय बदल होणार? याची उत्सूकता असते. या वर्षीदेखील असेच काही महत्वाचे बदल झाले आहेत. सर्वात महत्त्वाचे बदल आयकराच्या बाबतीत झाले आहेत. आयकराशी संबंधित असे काही नियम एप्रिलपासून बदलले आहेत, ज्याचा थेट परिणाम तुमच्या खिशावर आणि बजेटवर (Budget) होणार आहे. आयकराशी संबंधित अशाच 4 प्रमुख बदलांविषयी माहिती घेऊया

1. आयटी रिटर्न अपडेट करणे

इनकम टॅक्स नियमांमध्ये जे महत्त्वपूर्ण बदल करण्यात आले आहेत, त्यात रिटर्न सबमिट केल्यानंतर अपडेट रिटर्न भरण्याची सुविधा उपलब्ध करून देण्यात आली आहे. जर तुम्ही पहिल्यांदा रिटर्न भरताना काही चूक केली असेल, तर तुम्ही दुसऱ्यांदा अपडेटेड रिटर्न भरून ती चूक दुरुस्त करू शकता. अपडेट रिटर्न्स हे असेसमेंट वर्षापासुन 2 वर्षांपर्यंत दाखल केले जाऊ शकते. ही सुविधा फक्त त्याच करदात्यांना मिळेल ज्यांनी चुकून कमी कर भरला किंवा कोणतेही करपात्र उत्पन्न चुकवले आहे.

2. राज्य सरकारी कर्मचाऱ्यांसाठी NPS कपात

राज्य सरकारी कर्मचारी आता NPS मध्ये त्यांच्या मूळ वेतन आणि महागाई भत्त्याच्या 14% पर्यंत योगदान देऊ शकतात. यापूर्वी, योगदान मर्यादा केवळ 10 टक्क्यांपर्यंत होती. म्हणजेच, आता कलम 80CCD(2) अंतर्गत केंद्र सरकारच्या कर्मचार्‍यांसाठी उपलब्ध असलेल्या कपातीप्रमाणे या कपातीचा दावा देखील करू शकतात. हा बदल देखील 1 एप्रिलपासून लागू झाला आहे.

 

3. पीएफ खात्यावर कर

तुम्ही नोकरी (Job) करत असाल आणि आत्तापर्यंत तुमच्या EPF (कर्मचारी भविष्य निर्वाह निधी) खात्यात वार्षिक 2.5 लाख रुपयांहून अधिक योगदान देत असाल, तर असे करणे आता तुमच्यासाठी हानिकारक ठरेल. आता तुम्ही तुमच्या EPF खात्यात वार्षिक फक्त 2.5 लाख रुपये जमा करू शकता, जे करमुक्त असेल. यापेक्षा जास्त रक्कम जमा केल्यास तुम्हाला EPF वर मिळणाऱ्या व्याजावर कर भरावा लागेल.

4. अपंगांना आणि कोविड उपचारांवर दिलासा

कोरोनाच्या उपचारासाठी मिळालेला पैसा कराच्या कक्षेतून वगळण्यात आला आहे. याचा अर्थ असा की जर तुम्हाला कोरोनाच्या उपचारासाठी कुठून तरी पैसे मिळाले असतील तर त्यावर कर लागणार नाही. त्याचप्रमाणे, कोरोनामुळे कुटुंबातील सदस्याचा मृत्यू झाल्यास, 10 लाख रुपयांपर्यंतची रक्कमही कराच्या कक्षेबाहेर ठेवण्यात आली होती. दिव्यांग नागरिकांनाही सरकारने दिलासा दिला आहे. जर एखादी व्यक्ती अपंग असेल तर त्याचे पालक त्या बदल्यात विमा घेऊन त्यावर कर सूट घेऊ शकतात.