मित्रांनो,
राज्यातील महिलांसाठी महत्वाची ठरलेली मुख्यमंत्री माझी लाडकी बहीण योजना पुन्हा एकदा चर्चेत आली आहे. माहिती व तंत्रज्ञान विभागाने दिलेल्या प्राथमिक अहवालानुसार या योजनेतून लाभ घेणाऱ्या सुमारे 26 लाख लाभार्थी योजनेच्या निकषानुसार पात्र दिसून येत नाहीत.
ही संख्या कमी नाही! राज्यातील जवळपास सर्व जिल्ह्यांमधील लाभार्थींचा यात समावेश आहे.
काय चालू आहे छाननी?
महिला व बालविकास विभागाने या संशयित लाभार्थ्यांची यादी संबंधित जिल्हा प्रशासनाला दिली आहे. आता जिल्हा स्तरावर फिजिकल व्हेरिफिकेशन (Physical Verification) सुरु आहे.
या तपासणीनंतर कोण पात्र आणि कोण अपात्र ठरणार हे निश्चित होईल.
पुढे काय होणार?
जे लाभार्थी पात्र ठरतील – त्यांना योजनेचा लाभ पूर्ववत सुरू राहील. जे अपात्र ठरतील – त्यांच्याबाबत योग्य ती कारवाई करण्यात येईल.
ही संपूर्ण छाननी मुख्यमंत्री श्री. देवेंद्रजी फडणवीस, उपमुख्यमंत्री श्री. एकनाथ शिंदे आणि उपमुख्यमंत्री श्री. अजितदादा पवार यांच्या मार्गदर्शनाखाली पार पडत आहे.
याचा फायदा कोणाला?
खरी पात्र महिला लाभार्थ्यांना अजिबात काळजी करण्याची गरज नाही. शासनाचं उद्दिष्ट आहे की योजनेचा लाभ केवळ खऱ्या पात्र बहिणींनाच मिळावा.
निष्कर्ष
"माझी लाडकी बहीण" योजना ही लाखो महिलांसाठी मोठा आधार आहे. मात्र शासन आता खात्री करत आहे की या योजनेत कुठलाही गैरफायदा होऊ नये. त्यामुळे पुढील काही दिवसांत पात्र–अपात्रांची स्पष्ट यादी समोर येईल.
योजनेबाबतच्या अशा ताज्या अपडेटसाठी Soham InfoSeva सोबत राहा!
कोणत्याही टिप्पण्‍या नाहीत:
टिप्पणी पोस्ट करा